لمن يسأل لماذا لا تحتكموا لديمقراطية تسمي " الصندوق" في قضية الدستور فلو مش عاجبك قول لا. " كده ببساطة بدل وجع القلبلللتن اللي انتوا فيه "
احب اقول لهؤلاء الاتي :
. اولا أنا اتفق مع بعض البنود و ارفض الكثير اليس من حقي و من حق البلد كلها بأ طيافها و نقاباتها و عمالها ان تتناقش في بنوده و فقراته " هوه احنا كل سنة بنعمل دستور يا جدعان عايزين نذاكر و نسأل و نطمن "
ثانيا كمواطنة بسيطة اعتقدت ان هذا الدستور قد يتحدث عن بعض القضايا التي تهمني " كحقوق اطفال الشوارع /الاطفال العاملين ، حقوق المرأة و المعاقين " اللي يدوب بشم ريحتهم من بعيد في الدستور مش عارفة امسكهم نهائي "
ثالثا لما كل الناس بما فيهم نائب الريس يقولك في مواد اللي الناس مختلفة عليها حوالي ١٥ مادة . يبقي انتو سايبنها ليها من غير حل و نقاش مجتمعي حقيقي"اختبار ذكاء مثلا"
رابعا حوار انه منتج بشري دي كلمة مستفزة ما احنا عارفين حد قال ان الدستور نازل من السما ده غير ما كل حاجة في الدنيا جهد بشري ايه الجديد في كده ده غير ده دستور مش تصليح شنط هيبقي فيه عيوب ده كمان !!
خامسا وده الاخر أنا مش بحب الكروتة و ما بطيقش الدم و الافتراء و الدستور كان السبب في الدم اللي راح و العيال اللي ماتت و الهم اللي بنشوفه " قفلني منه الصراحة" !!
طبعا بناء علي هذه المعطيات فان تصويتي هيكون بلا و بالتالي هاكون السبب في زعزعة استقرار البلاد كما قال سيادة الريس و مرشده ونائبه و العاملين عليها و طبعا ده هيضاف الي تاريخ انجازاتي الخاص بالزعزعة طوال السنتين اللي فاتوا و الله الموفق و المستعان و كل دستور و احنا دايما متجمعين وواعيين
ليست هناك تعليقات:
إرسال تعليق